Illoqarfigisami aviisi Nipi Avis Maniitsumi, Kalaallit Nunaanni saqqummertarpoq. Aviisinilu saqqummertuni tamani atuartartutta makku takusinnaavaat: Nutaarsiassat, Bingo-mut paasissutissat, Kalaallit Nunaanneersut reklame-t nutaat (illoqarfigisameersullu) assigisaallu.
Saniatigut reklame-t Bingo-lu, Nipi Aviisip illoqarfigisami nutaarsiassat, paasissutissallu Maniitsumeersut katersortarpai. Ussassaarutinik neqeroorutinillu aamma atuartartutsinnut peqartarpoq.
Illoqarfigisami radio ”Nipi FM” sammivaa nipilersuutinik nunarsuarmi tamaneersunik tusarnaartitsissalluni, Kalaallisuunillu Maniitsumi sumiikkaluaraanniluunniit kikkut tamarmik tusarnaarsinnaaniassagamik. Pissanganartumillu aamma Bingo-titsisarpugut.
Kalaallit Nunaanni nipilersuutit nutaat, nipilersuutillu nutaanngitsut aammalu nunarsuarmi nipilersuutit nuannarineqarnerpaat tusarnaarneqarsinnaapput. Illoqarfigisami qaammatit tamaasa nipilersuutinik nuannarisannik Hitliste sananiarlugu ikiortigut.
